Politika e privatësisë

Dokumenti
Ligjore
Versioni
Draft i 23 tetorit 2026
Seksione
10

Draft për t’u rishikuar

Ky tekst është një draft i përgatitur nga burime publike (ligji 124/2024 dhe ligjet e listuara në fund) dhe duhet rishikuar nga një jurist para nisjes. Nuk është këshillë ligjore. Pjesët në [kllapa katrore] mungojnë ende.

BeeD Consulting sh.p.k. · NIPT M41722050A · Tiranë

1. Kush i përpunon të dhënat

Kontrolluesi është BeeD Consulting sh.p.k., NIPT M41722050A, Tiranë. [Adresa dhe emaili për çështjet e privatësisë.] [Nëse caktohet një nëpunës për mbrojtjen e të dhënave (neni 33), emri dhe kontakti i tij.]

Kur porosisni ose kërkoni ofertë, shitësi që ju shërben bëhet edhe ai kontrollues për të dhënat që i duhen për shitjen.

2. Çfarë të dhënash mbledhim

  • Porositë: emri, telefoni, emaili, qyteti, adresa, shënimet; për bizneset kompania dhe NIPT-i.
  • Kërkesat për ofertë: të njëjtat të dhëna kontakti, përshkrimi i projektit, buxheti nëse e jepni, dhe mesazhet e bisedës.
  • Aplikimet e shitësve: emri i biznesit, NIPT-i, personi i kontaktit, telefoni, emaili dhe mesazhi.
  • Mesazhet e kontaktit dhe njoftimet për çmimin: emri, emaili ose telefoni dhe teksti.
  • Të dhëna teknike: adresa IP mbahet përkohësisht në kujtesën e serverit për të kufizuar dërgimet e shumta të formularëve; nuk ruhet në bazën e të dhënave.

3. Pse i përdorim dhe me çfarë baze ligjore

  • Për të kryer porosinë ose kërkesën tuaj: baza është kontrata (neni 7).
  • Për faturat dhe kontabilitetin: detyrim ligjor.
  • Për sigurinë e faqes dhe parandalimin e abuzimit: interes legjitim.
  • Për email ose SMS marketingu: vetëm me pëlqimin tuaj të veçantë, të dhënë në një kuti që nuk është e shënuar paraprakisht. Pëlqimin mund ta tërhiqni kur të doni. Sot nuk dërgojmë mesazhe marketingu.

4. Me kë i ndajmë

  • Me shitësin që përmbush porosinë ose që i përgjigjet kërkesës suaj, vetëm të dhënat që i duhen.
  • Me korrierin që dërgon paketën: emri, telefoni dhe adresa.
  • Me ofruesin e pagesave me kartë, kur paguani me kartë. Të dhënat e kartës i futni te faqja e ofruesit; ne nuk i shohim.
  • Me administratën tatimore, përmes faturës së fiskalizuar të shitësit.
  • Nuk i shesim të dhënat tuaja. [Vendi ku ndodhen serverët dhe çdo transferim jashtë Shqipërisë: për t’u konfirmuar para nisjes.]

5. Sa kohë i ruajmë

[Afatet e ruajtjes për çdo lloj të dhëne: për t’u përcaktuar nga juristi dhe kontabilisti, duke respektuar afatet e ruajtjes së dokumenteve tatimore.]

6. Cookies dhe ruajtja në shfletues

Përdorim vetëm cookies të domosdoshme për funksionimin e faqes:

  • beed_cart: përmbajtja e shportës (30 ditë).
  • beed_cmp: produktet që po krahasoni.
  • beed_city: qyteti i dërgesës që zgjodhët, që shporta dhe arka ta kenë gati (30 ditë).
  • Sesioni i panelit të administrimit, vetëm për shitësit dhe administratorët që hyjnë.
  • beed-motion në ruajtjen lokale të shfletuesit: nëse keni ndezur “Kursim energjie”.

Nuk përdorim cookies analitike apo reklamash. Nëse i shtojmë, do të ngarkohen vetëm pasi t’i pranoni në një banderolë ku “Prano të gjitha” dhe “Refuzo” kanë të njëjtën peshë.

7. Të drejtat tuaja

  • Të shihni të dhënat që kemi për ju, t’i korrigjoni ose t’i fshini.
  • Të kufizoni përpunimin ose të merrni të dhënat në një format të lexueshëm.
  • Të kundërshtoni përpunimin, sidomos për marketing të drejtpërdrejtë, në çdo kohë (neni 19.2).
  • Të tërhiqni pëlqimin, pa prekur përpunimin e bërë më parë.
  • Të ankoheni te Komisioneri për të Drejtën e Informimit dhe Mbrojtjen e të Dhënave Personale (idp.al).

8. Të miturit

Pëlqimi për shërbime online është i vlefshëm nga mosha 16 vjeç. Nën këtë moshë duhet pëlqimi i prindit (neni 8.6).

9. Siguria

Faqja përdor lidhje të koduar (HTTPS). Lidhjet e porosive dhe të kërkesave kanë një kod të rastësishëm që nuk merret me mend. Seancat e administrimit ruhen si hash.

Nëse ndodh një shkelje e sigurisë së të dhënave, njoftojmë Komisionerin brenda 72 orëve (neni 29.1) dhe ju, kur rreziku për ju është i lartë.

10. Ndryshimet

Kur e ndryshojmë këtë politikë, publikojmë datën e versionit të ri në krye të faqes.

Ligjet mbi të cilat bazohet ky draft